Copyright  2010 Hilal-e-Pakistan. All Rights Reserved
Daily Hilal-e-Pakistan Karachi Sindh
Powered By: PMedia
Aaj jo Khas Khas Khabron
Tracker
Web Counter
Vistor #
شريف خاندان جي برطانيا ۾ وڌيڪ اربين رپين جي ملڪيت هئڻ جو انڪشاف، ڊيلي ميل تفصيل شايع ڪري ڇڏيا
لنڊن (م ڊ) هڪ برطانوي اخبار دعويٰ ڪئي آهي ته نواز شريف خاندان جي ايون فيلڊ اپارٽمينٽس جنهن جو ڪيس هلي رهيو آهي اهو ته ڪجهه به ناهي پر هنن برطانيا ۾ ايتري ملڪيت ٺاهي آهي جنهن جو عام ماڻهو لاءِ تصور به ممڪن ناهي. ايون فيلڊ اپارٽمينٽس کانسواءِ پراپرٽي جو پتو لڳائڻ نهايت مشڪل آهي ڇو ته سموريون ملڪيتون هڪ ٻئي پويان قائم ڪمپنين، ٽرسٽ ۽ بئنڪ اڪائونٽس ذريعي خريدڪيون ويون آهن ۽ هڪ ڄار وانگر آهن جنهن ۾ ڪو به ڦاسي سگهي ٿو. هڪ محتاط اندازي موجب شريف خاندان جي لنڊن ۾ پراپرٽي جي ويليو 500 ڪروڙ رپين کان به وڌيڪ آهي.  برطانوي اخبار ڊيلي ميل  موجب  شريف خاندان ۾ لنڊن ۾ مهانگي ترين علائقي مي فيئر ۾ 1993ع ۾ 4 فليٽس خريد ڪيا جنهن کي ملائي لگزري مينشن ٺاهي وئي آهي جنهن جي قيمت هن وقت  7 ملين پائونڊ هڪ ارب رپين کان به وڌيڪ آهي. اهڙي پراپرٽي جي خريداري جي سلسلي ۾ نواز شريف خاندان خلاف نيب جي عدالت ۾ ڪيس هلي رهيو آهي، جيڪڏهن مني لانڊرنگ سميت ٻيا الزام ثابت ٿي ويا ته کيس 14 سال قيد جي سزا کي منهن ڏيڻو پئجي سگهي ٿو. نواز شريف جي خاندان تي الزام آهي ته هن ٻه نمبري جي پئسي سان ايون فيلڊ فليٽس کان مٿي به برطانيا ۾ 21 ملڪيتون خريد ڪيون آهن، جنهن ۾ گهڻي قدر وچ لنڊن جي علائقن مي فيئر، چيلسي ۽ بلغرايا ۾ موجود آهن. نواز شريف جي خاندان جي لنڊن ۾ ملڪيتن جي مجموعي ماليت 32 ملين پائونڊ 5 ارب رپين کان وڌيڪ آهي. نواز شريف خاندان لنڊن ۾ خريد ڪيل ملڪيتن مان گهڻو پئسو ڪمايو آهي، مثال طور نهايت مهانگي جاءِ ون هائيڊ پارڪ ۾ نواز شريف جي پٽ حسن نواز جي هڪ پراپرٽي 43 ملين پائونڊ تقريب 7 ارب رپين ۾ وڪرو ٿي آهي. شريف خاندان جي لنڊن ۾ موجود ريئل اسٽيٽ کي به ڳولڻ سولو ڪم ناهي، ڇو ته سموريون ملڪيتون ڪيترين ئي ڪمپنين، ٽرسٽ ۽ بئنڪ اڪائونٽس ذريعي خريد ڪيون ويون آهن. پراسيڪيوٽر جو چوڻ آهي ته شريف خاندان گذريل ڪيترن ئي سالن کان برطانيا، سوئٽزرلينڊ، وچ اوڀر ۽ برٽس ورجن آئي لينڊ ۾ پئسا سيڙايا آهن. ٽرانپيرنسي انٽرنيشنل جو چوڻ آهي ته برطانيا ۾ گهٽ ۾ گهٽ 4 ارب ڊالر جي ملڪيتن بابت شڪ آهي ته اهي مني لانڊرنگ ذريعي خريد ڪيون ويون آهن پر جڏهن شريف خاندان جي ڳالهه اچي ٿي ته برطانوي اختياريون نهايت سست رويو اختيار ڪري وٺنديون آهن. اخبار دعويٰ ڪئي آهي ته نواز شريف جي خاندان لنڊن جي ايون فيلڊ اپارٽمينٽس کانسواءِ 8 لک پائونڊ جي پراپرٽي سينٽ جارج وارف لنڊن ۾ خريد ڪئي آهي. لنڊن جي ڪيڊوگن اسڪوائر ۾ 2 ڏهائي 4 ملين پائونڊ 39 ڪروڙ رپين جي پراپرٽي به نواز شريف جي خاندان جي ملڪيت آهي.  شريف خاندان جي لنڊن يج علائقي ڊيوڪ اسٽريٽ قائم مينشن جي قيمت ٻه ڏهائي هڪ ملين پائونڊ تقريبن 34 ڪروڙ رپيه آهي. لنڊن ۾ ايٽن پليس ۾ قائم شريف خاندان جي پراپرٽي جي ماليت 7 ملين پائونڊ هڪ ارب رپين کان وڌيڪ آهي.  نواز شريف جي خاندان ايٽن پليس کانسواءِ ايٽن اسڪوائر ۾ به هڪ پراپرٽي خريد ڪئي آهي جنهن جي ماليت 49 ڪروڙ رپيه آهي. برطانيا طرفان نواز شريف ۽ سندس گهر وارن خلاف جي آءِ ٽي جي جاچ ۾ عدم سهڪار جو انڪشاف ٿيو آهي.  برطانوي اخبار ڊيلي ميل شريف خاندان جي لنڊن فليٽس سميت برطانيا ۾ ٻي ملڪيتن ۽ پاناما ليڪس بابت عدالتي ڪارروائي جا تفصيل شايع ڪيا آهن. ڊيلي ميل جي رپورٽ موجب برطانوي حڪومت ڪاري ناڻي جي آمد ۽ مني لانڊرنگ جي خاتمي لاءِ مضبوط اپاءَ نه وٺي رهي آهي ۽ ٻين ملڪن جي جاچ ۾ مڪمل سهڪار جي دعويٰ ڪندي آهي پر حقيقت جي ابتڙ نظر ايندا آهن.  برطانوي حڪومت شريف خاندان خلاف پاناما ليڪس جي جاچ دوران سهڪار تي پري جي ڳالهه پر ڄاڻ ڏيڻ کان به انڪار ڪري ڇڏيو. شريف خاندان خلاف جاچ ڪندڙ اداري جي هڪ آفيسر ڊيلي ميل کي ٻڌايو ته برطانيا ڄاڻ ڏيڻ کان انڪار ڪندي جاچ ۾ رنڊڪ وڌي، بئنڪ ذريعي برطانيا مان پاڪستان رقم جي منتقلي ٿي، اسان شريف خاندان جي برطانوي اڪائونٽس جي رڪارڊ تائين پهچ گهري پر اسان کي انڪار ڪيو ويو. ڪيس تي ڪم ڪندڙ  ٻي آفيسر ٻڌايو ته اسان اسڪاٽ لينڊ يارڊ کان مدد گهري ۽ هنن مدد گهري پر جڏهن ڄاڻ جي مٽاسٽا جو وقت آيو ته منع ڪئي وئي، ايستائين جڏهن جي آءِ ٽي ميمبرن لنڊن ۽ برٽس ورجن آئي لينڊز وڃي جاچ ڪرڻ جو فيصلو ڪيو ته برطانوي سفارتخاني کين ويزا ڏيڻ ۾ گهڻي دير ڪئي ۽ ڪيترائي هفتا لڳائي ڇڏيا. پاڪستاني آفيسر ٻڌايو ته امڪاني طور ان جو سياسي سبب ٿي سگهي ٿو. ٻئي طرف برطانوي گهرو کاتي جي ترجمان چيو ته اسان غير قانوني سيڙپ خلاف ڪارروائي لاءِ ٻين ملڪن سان مڪمل سهڪار ڪندا آهيون، اسان گڏيل قانوني معاونت جي درخواستن جي موجودگي جي نه تصديق ۽ نه وري ترديد ڪيون ٿا.5
سپريم ڪورٽ ۾گم ٿيل ماڻهن جي وارثن جون دانهون، عورتن جا جذباتي منظر، ڊائس تي ٺونشن جا ڌڪ، پوليس آفيسر کي چماٽ
ڪراچي (اسٽاف رپورٽر) سپريم ڪورٽ گم ٿيل ماڻهن بابت خاصل سيل قائم ڪرڻ جو حڪم ڏيندي سمورين درخواستن تي ڪارروائي جي هدايت ڪئي آهي، گم ٿيل ماڻهن جي وارثن جي  هنگامي سبب چيف جسٽس ثاقب نثار ٻڌڻي ڇڏي پنهنجي چيمبر ۾ هليو ويو. سپريم ڪورٽ ڪراچي رجسٽريءَ ۾ گم ٿيل ماڻهن بابت پاڻمرادو نوٽيس ڪيس جي ٻڌڻي ڪئي وئي.گم ٿيل ماڻهن جي وارثن جو وڏو انگ سپريم ڪورٽ ٻاهران جمع ٿي ويو پر پوليس کين اندر وڃڻ کان روڪي ڇڏيو. گم ٿيل ماڻهن جي وارثن پوليس خلاف نعريبازي ڪئي. عورتن ۽ ٻارڙن سميت گم ٿيل ماڻهن جي وارثن تصويرون کڻي احتجاج ۽ پنهنجي پيارن جي بازيابي لاءِ منٿون ڪيون.  سماجي ڪارڪن جبران ناصر به گم ٿيل ماڻهن جي وارثن سان ٻڌيءَ جي اظهار لاءِ موجود رهيو. گم ٿيل ماڻهن جي وارثن اوڇنگارون ڏيندي دانهون ڪيون ته جيڪڏهن اسان جا پيارا مري ويا آهن ته اسان کي ٻڌايو وڃي، اسان جا پيارا ڪيترن ئي سالن کان گم آهن، اسان کي انهن بابت ڪا به خبر ناهي، هر انصاف جو در کڙڪايو هاڻي ڪنهن جي در تي وڃون. ٻڌڻي شروع ٿي ته چيف جسٽس هر گم ٿيل ماڻهو جي هڪ هڪ وارث کي عدالت ۾ طلب ڪيو.  درخواستگذار نيلم عدالت جي روبرو پيش ٿي ٻڌايو ته سندس والد 14 مهينن کان گم آهي، ان دوران ٻين عورتن اوڇنگارون ڏئي روئڻ شروع ڪيو جنهن تي عدالت ڪمري ۾ گوڙ ۽ رڙيون شروع ٿي ويون،  متاثرن الزام هنيو ته سندن عزيز ڳجهن ادارن وٽ آهي. چيف جسٽس شهرين کي خاموش رهڻ جو حڪم ڏنو پر هو خاموش نه ٿيا. گوڙ دوران هڪ عورت چيف جسٽس جي ڊائس جي ويجهو پهچي ڌڪ هنيا جڏهن ته ٻي عورت پوليس آفيسر کي چمات وهائي ڪڍي. گوڙ تي هو ڪو حڪم جاري ڪرڻ کانسواءِ هليو ويو. چيف جسٽس آءِ جي سنڌ ۽ ڊي جي رينجرز کي پنهنجي چيمبر ۾ طلب ڪري ورتو. چيف جسٽس ٻڌڻي ٻيهر شروع ڪئي ته عورت کي روسٽرم تي طلب ڪيو ۽ غير مشروط معافي وٺڻ جي هدايت ڪئي. چيف جسٽس عورت کي مخاطب ٿيندي چيو ته توهان عدالت جو تقدس پائمال ڪيو، منهنجو چوڻ نه ڪيو، گوڙا ڪندا رهيا، عدالت جي ڪمري ۾ ڊائس تي ٺونشا هڻي رهيا آهيو، توهان چيف جسٽس جي ڊائس تي مڪا هنيا، توهان جي همت ڪئين ٿي، توهان پوليس اهلڪار تي تشدد ڪئين ڪيو. چيف جسٽس چيو ته مون کي قوم جي نياڻين کان اهڙي بد تهذيبي جي اميد نه هئي، توهان جي جاءِ تي ڪو مرد هجي ها ته کيس جيل موڪلي ڇڏيان ها، توهان لاءِ نڪتس پر توهان توهين عدالت ڪئي. چيف جسٽس گم ٿيل ماڻهن بابت سمورين درخواستن تي ڪارروائي جو حڪم ڏيندي قانون لاڳو ڪندڙ ادارن کي خاص سيل قائم ڪرڻ جي هدايت ڪئي آهي.5
<<تفصيل
اهم خبرون
محمد بخش مهر پ پ ڇڏي ته آئون هٿ کڻي ويندس، ٻي صورت ۾ شڪست لاءِ تيار رهي: علي گوهر مهر
خانپورمھر(رپورٽر ) جي ڊي اي اڳواڻ علي گوهر مهر چيو آھي تہ  ،پي ايس 20 خانڳڙهه اسان جو اباڻو تڪ آهي ان تي پ پ جي ٽڪيٽ تي چونڊ وڙهندڙ کي سواءِشڪست جي ٻيو ڪجهه به نه ملندو،محمد بخش مهر پ پ ڇڏي ته آءُ سندس حمايت ۾ هٿ کڻي ويندس ،پ پ نه ڇڏڻ جي صورت ۾ شڪست لاءِ تيار رهي،يوسي باگو ڊاهه ،واڳڻي ،۽ پي ايس 20 جي مختلف يوسيز جي چڱن مڙسن پاران علي گوهر مهر جي حمايت جو اعلان رپورٽ موجب خانڳڙهه جي گوهر پئلس تي جي ڊي اي اڳواڻ علي گوهر مهر وٽ پي ايس 20 خانڳڙهه جي مختلف يوسيز يوسي واڳڻي ،جهانپور،يوسي باگوڊاهه ۽ ٻين يوسيز جي چڱن مڙسن جو اجلاس ٿيو جنهن ۾ مختلف يوسيز جي چڱن مڙسن ارشاد شاهه،اعجاز شاهه ،حاجي سعيد احمد چاچڙ،وڏيري قربان چاچڙ،نظرمحمد ڏهر ،حاجي هزاروچاچڙ،شهزادوڀيو،محمد حنيف ملهڻ ،فتح محمد ملهڻ ۽ ٻين شرڪت ڪئي ان موقعي تي علي گوهر مهر ڳالهائيندي چيو ته فريال ليگ حڪومتي دور ۾ اسان کي ڪي به فنڊ نه ڏنا نه وري ڪو پيڪيج ڏنو جنهن ڪري عوام جي خدمت نه ڪري سگهيا سين هن چيو ته فريال ليگ کان عوام بيزار ٿي چڪو آهي علي گوهر مهر چيو ته سکر ۽ گهوٽڪي ضلعن سميت پوري سنڌ ۾ فريال ليگ اميدوارن کي شڪست ڏينداسين ،علي گوهر مهر چيو ته مون پنهنجي سوٽ محمد بخش مهر کي مهربرادري سان گڏجي مشورو ڏنو آهي ته پ پ کي ڇڏي جي ڊي اي يا آزاد حيثيت سان چونڊ وڙهي ته پي ايس 20 تي سندس سامهون آءَ به هٿ کڻي ويندس ۽ کيس بنا مقابلي ڪامياب ڪرائيندس ھن چيو تہ  پي ايس 20 خانڳڙهه اسان جو اباڻو تڪ آهي پ پ جي ٽڪيٽ تي جيڪو به اميدوار خانڳڙهه تڪ تي بيهندو ان کي سواءُ شڪست جي ٻيو ڪجهه به نه ملندو ،ان موقعي تي پي ايس 20 خانڳڙهه جي مختلف يوسيز جي چڱن مڙسن جي ڊي اي اڳواڻ علي گوهر مهر جي حمايت جو اعلان ڪيو.5
<<تفصيل
<<تفصيل
جوس بٽلر جي شاندار سينچري، انگلينڊ آخري ون ڊي ۾ دلچسپ مقابلي بعد آسٽريليا کي هڪ وڪيٽن تان شڪست ڏئي 0-5 تان وائيٽ واش ڪري ڇڏيو
مانچسٽر(اسپورٽس نيوز) آسٽريليا انگلينڊ کي آخري مئچ ۾ دلچسپ مقابلي بعد هڪ وڪيٽ تان شڪست ڏئي پنجن مئچن جي سيريز ۾ وائيٽ واش ڪري ڇڏي. آسٽريليا جي ڪپتان ٽم پائين لاڳيتو پنجون ڀيرو ٽاس کٽي پهرين بيٽنگ جو فيصلو ڪيو. آسٽريليا انتهائي ناقص بيٽنگ جو مظاهرو ڪندي 34.4 اوورن ۾ پوري ٽيم فقط 205 رنسن تي ئي ڍير ٿي وئي. ٽريوس هيڊ 56، ايليڪس ڪيري 44 ۽ آرون فنچ 22 رنسون ٺاهي پويلين موٽي ويا. ڊارسي شارٽ 47 رنسون ٺاهي ناٽ آئوٽ رهيو. ڪپتان پائين پنجين مئچ ۾ به ناڪام رهيو فقط هڪ رنس ٺاهي سگهيو. 6 رانديگر ڊبل فگر ۾ به داخل نه ٿيا. معي علي 4 ۽ سام ڪرن 2 رانديگرن کي پويلين موڪليو. پلنڪيٽ ۽ عادل رشيد 1-1 شڪار ڪيو. جواب ۾ انگلينڊ گهربل هدف سخت مقابلي بعد جوس بٽلر جي شاندار ناقابل شڪست سينچري بدولت 9 وڪيٽن جي نقصان تي 9 بال پهرين حاصل ڪري ورتو. جوس بٽلر 122 بالن ۾ هڪ ڇڪي ۽ 12 چوڪن جي مدد سان 110 رنسون ٺاهي ناٽ آئوٽ رهيو. عادل رشيد ۽ ايليڪس هيلز 20-20، معين علي 16 ۽ بيرسٽو 12 رنسون ٺاهي پويلين موٽيا. اسٽنليڪ ۽ ڪين رچرڊسن 3-3 ۽ اسٽونس 2 رانديگرن کي پويلين موڪليو. ايشٽن اگر 1 شڪار ڪيو. جوس بٽلر کي ميچ ۽ سيريز جو بهترين رانديگر قرار ڏنو ويو.
راندين جون خبرون
<<تفصيل
<<تفصيل
شوبز جون خبرون
نالو تبديل ڪرڻ تي آنند سان ڪافي بحث ٿيو: سونم  ڪپور آهوجا
ممبئي(شوبز نيوز) باليووڊ اداڪارا سونم ڪپور چيو آهي ته نالو تبديل ڪرڻ واري معاملي تي مڙس آنند آهوجا سان ڪافي بحث ٿيو. ڀارتي ميڊيا جي رپورٽن موجب هڪ انٽرويو ۾ سونم ڪپور کان جڏهن سندس نالي بابت سوال ڪيو ويو ته هن چيو ته اها هڪ وڏي ڪهاڻي آهي جنهن تي هن جي پنهنجي مڙس سان ڪافي دير تائين بحث ٿيو.  ڇو ته مان پنهنجي نالي سان گڏ پنهنجي والد ۽ مڙس ٻنهي جو نالو لڳائڻ چاهيان پئي.  جنهن سبب پنهنجو نالو سونم ڪپور آهوجا رکيو. سونم ڪپور جي مڙس آنند آهوجا جي نالي تبديل ڪرڻ بابت هن چيو ته هو به پاڻ سان گڏ کائنس جوڙڻ چاهي پيو جنهن جي بنياد تي هن چيو ته هو به پنهنجو نالو تبديل ڪري آنند ڪپور آهوجا يا وري آنند آهوجا ڪپور رکندو، جنهن تي کيس چيم ته ان ۾ منهنجو نالو اچڻ گهرجي ڇو ته اسان سڀني جي نالي جي آخر ۾ پيءُ جو نالو ايندو آهي، پر ڪنهن جي نالي ۾ ماءُ جو نالو ناهي هوندو، ان سان گڏوگڏ ادڪارا سونم ڪپور آهوجا ان خواهش جو اظهار پڻ ڪيو ته سندس ٻارن جي نالي جي آخر ۾ هن جو نالو پڻ اچي جنهن سبب هن جي مڙس پنهنجو نالو آنند سونم آهوجا ڪري ڇڏيو آهي.
/  ADVERTISMENT
CONTACT US
/ ePAPER 
Drop Down MenusCSS Drop Down MenuPure CSS Dropdown Menu








Special Ediction
Aaj jo Khas Khas Khabron
سپريم ڪورٽ ۾گم ٿيل ماڻهن جي وارثن جون دانهون، عورتن جا جذباتي منظر، ڊائس تي ٺونشن جا ڌڪ، پوليس آفيسر کي چماٽ
شريف خاندان جي برطانيا ۾ وڌيڪ اربين رپين جي ملڪيت هئڻ جو انڪشاف، ڊيلي ميل تفصيل شايع ڪري ڇڏيا
محمد بخش مهر پ پ ڇڏي ته آئون هٿ کڻي ويندس، ٻي صورت ۾ شڪست لاءِ تيار رهي: علي گوهر مهر
جوس بٽلر جي شاندار سينچري، انگلينڊ آخري ون ڊي ۾ دلچسپ مقابلي بعد آسٽريليا کي هڪ وڪيٽن تان شڪست ڏئي 0-5 تان وائيٽ واش ڪري ڇڏيو
نالو تبديل ڪرڻ تي آنند سان ڪافي بحث ٿيو: سونم  ڪپور آهوجا
hilal-pk@cyber.net.pk
dailyhilalpk@gmail.com