Copyright  2010 Hilal-e-Pakistan. All Rights Reserved
Daily Hilal-e-Pakistan Karachi Sindh
Powered By: PMedia
Aaj jo Khas Khas Khabron
Tracker
Web Counter
Vistor #
18 هزار سرڪاري اسڪولن ۾ ٻارڙا ڪنو پاڻي پيئن ٿا: سنڌ سرڪار جو واٽر ڪميشن آڏو اعتراف
ڪراچي  (رپورٽ: منصور کوکر) واٽر ڪميشن ۾ تعليم کاتي طرفان اعتراف ڪيو ويو آهي ته سنڌ جي 18 هزار 39 اسڪولن ۾ پيئڻ جي پاڻي جي سهولت موجود نه آهي. سنڌ هاءِ ڪورٽ ۾ پيئڻ جي صاف پاڻي ۽ گندي پاڻي جي نيڪال بابت ڪميشن جي ٻڌڻي ٿي، ايم ڊي واٽر بورڊ هاشم رضا زيدي، صحت وارو سيڪريٽري فضل الله پيچوهو، آبپاشي وارو سيڪريٽري ۽ ٻيا پيش ٿيا. تعليم واري سيڪريٽري اقبال دراني ڪميشن ۾ پيش ٿي اسڪولن بابت رپورٽ پيش ڪندي چيو ته انهن کي گهڻين تڪليفن کي منهن ڏيئڻو پئجي رهيو آهي، گذريل هفتي انهن 4 هزار اسڪولن کي ڏٺو آهي. سندس چوڻ هو ته چئن مهينن ۾ انهن کي تمام گهڻو ڪم ڪرڻو آهي، سنڌ ۾ 80 هزار اسڪول آهن، پيئڻ جي پاڻي لاءِ ايس ايم جي فنڊ استعمال ڪرڻ لاءِ چيو آهي. رپورٽ موجب 2017ع جي آدمشماري جي انگن اکرن تحت سنڌ جا 29 ضلعا آهن ۽ انهن ۾ 41 هزار 7 سئو 69 پرائمري، سيڪينڊري ۽ هائير سيڪينڊري اسڪول آهن ۽ انهن ۾ 42 لک شاگرد ۽ شاگردياڻيون داخل آهن. رپورٽ ۾ اعتراف ڪيو ويو ته 18 هزار 39 اسڪولن ۾ پيئڻ جو صاف پاڻي فراهم نه پيو ڪيو وڃي، جڏهن ته 23 هزار 730 اسڪولن ۾ پيئڻ جو پاڻي موجود آهي ڪميشن کي ٻڌايو ويو ته جن اسڪولن ۾ پيئڻ جو پاڻي موجود آهي ان جي معيار وڌائڻ لاءِ گهربل قدم نه کنيا ويا آهن. ڪميشن کي ٻڌايو ويو ته وڏي وزير جي هدايت موجب تعليمي ادارن ۾ صاف پاڻي فراهم ڪرڻ لاءِ جامع اسڪيم تيار ڪئي وئي آهي، جنهن تحت پهرين مرحلي ۾ 4 هزار هاءِ اسڪولن ۾ صاف پاڻي فراهم ڪيو ويندو. رپورٽ موجب ٻئي مرحلي ۾ باقي اسڪولن کي پاڻي فراهم ڪيو ويندو، تعليم کاتي طرفان چيو ويو ته شهرين کي صاف پاڻي فراهم ڪرڻ جي ذميواري مڪاني ادارن واري کاتي ۽ پبلڪ هيلٿ انجنيئرنگ جي آهي. رپورٽ ۾ انڪشاف ڪيو ويو ته اسڪولن ۾ صفائي سٿرائي جي صورتحال معيار موجب نه آهي ۽ ان جا ذميوار واٽر بورڊ، واسا، مينسپل ايڊمنسٽريشن، پبلڪ هيلٿ انجنيئرنگ ۽ چونڊيل نمائندا آهن. صحت واري سيڪريٽري فضل الله پيچوهو اسپتالن ۾ پاڻي جي فراهمي بابت رپورٽ پيش ڪئي، جنهن ۾ ڄاڻايو ويو ته نوشهرو فيروز، بدين ۽ شڪارپور جي اسپتالن ۾ پاڻي جي فراهمي جاري آهي. ليباريٽري آفيسر ٻڌايو ته سنڌ جي اندرين علائقن جي اسپتالن مان پاڻي جا سيمپل اسلام آباد موڪليا ويا آهن، پهرين نومبر تائين رپورٽ اچي ويندي. فضل الله پيچوهو چيو ته سنڌ جي اندرين علائقن ۾ سمورين اسپتالن کي پاڻي جي فراهمي ۾ وقت گهرجي، جنهن تي ڪميشن وقت ڏيندي سيڪريٽري صحت کان اڳڀرائي رپورٽ گهري ورتي.ڪميشن هڪ هفتي اندر پاڻي واري اسڪيم لاءِ فنڊ جاري ڪرڻ جو حڪم ڏنو جنهن ۾ چيو ويو ته آبپاشي سيڪريٽري هڪ هفتي اندر اسڪيم جي حوالي سان پلان جمع ڪرائي.. ٽاسڪ فورس موجب ڪيترن ئي هنڌن تي پاڻي جي فراهمي متاثرٿي رهي آهي ڪميشن چيوآهي ته تعليمي ادارن ۾ پاڻي جي فراهمي بهترڪرڻ جي لاءِ ڪيوقدم ڪياوياڪميشن چيوته  خلاف ورزي ڪرڻ وارن کي ته جيل موڪلڻ گهرجي واٽرڪميشن جي ڪارروائي 4 نومبرتائين ملتوي ڪئي وئي.
”نواز شريف ڪيسن کي منهن ڏي“ آصف ۽ بلاول جو ملڻ کان انڪار، ڪا به مدد نه ٿا ڪري سگهون: پ پ
اسلام آباد(بيورو) اڳوڻي صدر آصف علي زرداري ۽ پيپلز پارٽي جي چيئرمين بلاول ڀٽو زرداري پاران اڳوڻي وزيراعظم نواز شريف سان ملڻ کان انڪار، پ پ اڳواڻ سينيٽر فرحت الله بابر چيو آهي ته آصف زرداري ۽ بلاول ڀٽو نواز شريف سان ملڻ لاءِ تيار ناهن، اسين ان جي مدد نٿا ڪري سگهون. هڪ بيان ۾ فرحت الله بابر چيو ته نواز شريف ماضي ۾ مفاهمت جي ڪوششن کي ٿڏي چڪو آهي، حڪمران پارٽي جي اڳوڻي وزيراعظم جي ڪيس ۾ دستاويز ۽ شاهد تصديق ٿيل هئا، جيڪڏهن اُهو سمجهي ٿو فيئر ٽرائل جو موقعو نه پيو ملي ته چيلينج ڪري سگهي ٿو. هن چيو ته پيپلز پارٽي هميشه مفاهمت جي سياست ڪئي، نواز شريف پاڻ مفاهمت جي سياست کي ٿڏي ڇڏيو، موجوده حالتن ۾ نواز شريف سان نه ملنداسين، چاهيون ٿا ته سندس ڪيسن ۾ قانون موجب عمل ڪيو وڃي. سندس چوڻ هو ته موجوده سياسي صورتحال ۾ نواز شريف سان ملاقات جو تاثر درست نه ويندو، تنهنڪري پارٽي جو چيئرمين ۽ شريڪ چيئرمين ملڻ لاءِ تيار ناهن. فرحت الله بابر چيو ته نواز شريف ۽ هر شهري جو حق آهي ته اُن کي آئين جي آرٽيڪل 10 تحت فيئر ٽرائل جو موقعو ڏنو وڃي، آئين ۾ شق 10 اي قانون مطابق عملدرآمد جي خاطري ڪرائي ٿي، جيڪڏهن نواز شريف کي اعتراض آهي ته قانون تي صحيح عملدرآمد نه پيو ڪيو وڃي ته اُهو اُن آرٽيڪل جو سهارو وٺي اُن کي چيلينج ڪري سگهي ٿو، آئون سمجهان ٿو ته نواز شريف جي وڪيلن وٽ دليل آهن ۽ اُهي سٺا وڪيل آهن. هڪ سوال جي جواب ۾ فرحت الله بابر چيو ته پيپلز پارٽي ڇڏيندڙن کي جلد پنهنجي غلطي جو احساس ٿيندو.
<<تفصيل
اهم خبرون
دهشتگردي گڏيل دشمن آهي، پاڪستان ان خلاف ويڙھ ۾ ڪاميابيون ماڻيون آهن: وزيراعظم
استبمول (م ڊ) وزيراعظم شاهد خاقان عباسي سان گني جي صدر ايلفا ڪونڊي ملاقات ڪئي  جنهن ۾ ٻنهي ملڪن وچ ۾ ٻه طرفي لاڳاپن کي مستحڪم ڪرڻ لاءِ خيالن جي ڏي وٺ ٿي، ٻنهي اڳواڻن وچ ۾ نائين ڊي ايٽ سربراهه اجلاس جي موقعي تي ترڪي جي تاريخي شهر استبمول ۾ هي ملاقات ٿي، ٻنهي اڳواڻن وچ ۾ دفاع، تعليم، زراعت، ريلوي، بينڪنگ ۽ اڏاوت جي شعبي ۾ ٻه طرفو تعاون واڌئڻ تي خيالن جي ڏي وٺ ڪئي وئي، وزيراعظم چيو ته آفريڪا لاءِ پاڪستان جو ويزن مضبوط دوستاڻن لاڳاپن کي واپار سيڙپڪاري ۽ دفاعي تعاون ذريعي وڌائڻ آهي، جڏهن ته پبلڪ پرائيويٽ حصيداري ۽ اڳتي وڌڻو آهي پاڪستان ۽ گني جي تعاون جي حوالي سان وزيراعظم شاهد خاقان عباسي کيس ٽيڪسٽائيل، ليڌر، انفرا اسٽرڪچر جي ترقي، انفارميشن ٽيڪنالاجي ۽ ايس ايم ايز تجربي مان فائدو حاصل ڪرڻ جي آڇ ڪئي، هن چيو ته زرعي شعبي ۾ پاڪستان جي تجربي ۽ تحقيقي سهولتون گني کي زرعي وسيلن کي بهتر انداز ۾ استعمال ڪرڻ ۾ مدد ڏئي سگهن ٿيون، ٻنهي اڳواڻن گڏيل طور تي ترڪ صدر جي ڊي ايٽ تنظيم کي هٿي ڏيڻ ۽ ٻين ملڪن کي شامل ڪرڻ جي تجويز جي توثيق ڪئي.  دهشتگردي جي عالمي چيلينجز تي خيالن جي ڏي وٺ ڪندي وزيراعظم چيو ته پاڪستان قومي عزم سان ان خلاف وڏيون ڪاميابيون حاصل ڪيون آهن،گني جي صدر چيو ته دهشتگردي هڪ گڏيل دشمن آهي ان کي بهتر انداز ۾ منهن ڏيڻ جي ضرورت آهي، هن پاڪستان سان هر شعبي ۾ ٻه طرفي لاڳاپن کي وڌيڪ مستحڪم بڻائڻ جي خواهش جو اظهار ڪندي چيو ته گني پاڪستاني سيڙپڪارن لاءِ اوپن آهي، هن وزيراعظم کي جلد گني جي دوري جي دعوت ڏني، جيڪا وزيراعظم قبول ڪندي کيس پاڪستان جي دوري جي به دعوت ڏني. 
<<تفصيل
<<تفصيل
پاڪستان هاڪي ايشيا ڪپ جي فائنل مان ٻاهر، ڀارت هٿان 4-0 تان شڪست
ڍاڪا(اسپورٽس نيوز) پاڪستان هاڪي ٽيم ايشيا ڪپ جي فائنل جي ڊوڙ کان ٻاهر، روايتي حريف ڀارت ميچ 4-0 تان کٽي ورتي. ڍاڪا ۾ کيڏيل سپر فور مرحلي جي ميچ جي پهرين ٻن ڪوارٽرز ۾ پاڪستان ڀارت خلاف بهتر راند پيش ڪئي، جڏهن ته ڪو به گول نه ڪري سگهيو. راند جي ٽئين ڪوارٽر ۾ ڀارت جي گجرانت گول ڪري پنهنجي ٽيم کي برتري ڏياري، جڏهن ته چوٿين ڪوارٽر ۾ ڀارتي ٽيم اٽيڪنگ راند پيش ڪئي. ڀارتي ٽيم پاڪستاني رانديگرن خلاف وڌيڪ 3 گول اسڪور ڪيا ۽ ميچ 4-0 جي برتري سان پنهنجي نالي ڪئي ۽ فائنل تائين پهچ حاصل ڪري ورتي.
راندين جون خبرون
<<تفصيل
<<تفصيل
شوبز جون خبرون
گول مال اگين  جي شوٽنگ دوران تمام گهڻو مزو آيو: پرينيتي چوپڙا
ممبئي (شوبز نيوز) بالي ووڊ اداڪارا پرينيتي چوپڙا چيو آهي ته هن کي فلم ”گول مال اگين“ جي شوٽنگ دوران تمام گهڻو مزو آيو ۽ هوءَ فلم جو حصو ٿيڻ تي تمام گهڻي خوش آهي. ڀارتي ميڊيا موجب پرينيتي چوپڙا کان سوال ڪيو ويو ته هن کي فلم گول مال اگين جي ٽيم جو حصو بڻجڻ تي ڪنهن پريشاني کي منهن ته نه ڏيڻو پيو؟ جنهن تي اداڪارا جواب ڏنو ته فلم جي پوري ٽيم منهنجو بهترين طريقي سان استقبال ڪيو ۽ مان پهرين ڏينهن ٿوري پريشان هيس پر اسان سڀني تمام گهڻي تفريح ڪئي ۽ فلم جي شوٽنگ مان لطف انداز ٿياسين، جنهن سان منهنجي پريشاني به ختم ٿي وئي ۽ آئون تمام خوش هيس. فلم جي ڪاسٽ ۾ اجي ديوگن، تشار ڪپور، ارشد وارثي، ڪنال کيمو، شرياس تلپاڙي، تبو ۽ پرينيتي چوپڙا شامل آهي. فلم ڪالهه ڀارتي سميت سڄي دنيا جي سينما گهرن ۾ نمائش لاءِ پيش ڪئي وئي آهي.
/  ADVERTISMENT
CONTACT US
/ ePAPER 
Drop Down MenusCSS Drop Down MenuPure CSS Dropdown Menu








Special Ediction
Aaj jo Khas Khas Khabron
”نواز شريف ڪيسن کي منهن ڏي“ آصف ۽ بلاول جو ملڻ کان انڪار، ڪا به مدد نه ٿا ڪري سگهون: پ پ
18 هزار سرڪاري اسڪولن ۾ ٻارڙا ڪنو پاڻي پيئن ٿا: سنڌ سرڪار جو واٽر ڪميشن آڏو اعتراف
دهشتگردي گڏيل دشمن آهي، پاڪستان ان خلاف ويڙھ ۾ ڪاميابيون ماڻيون آهن: وزيراعظم
پاڪستان هاڪي ايشيا ڪپ جي فائنل مان ٻاهر، ڀارت هٿان 4-0 تان شڪست
گول مال اگين  جي شوٽنگ دوران تمام گهڻو مزو آيو: پرينيتي چوپڙا
hilal-pk@cyber.net.pk
dailyhilalpk@gmail.com