Copyright  2010 Hilal-e-Pakistan. All Rights Reserved
Daily Hilal-e-Pakistan Karachi Sindh
Powered By: PMedia
Tracker
Web Counter
Vistor #
/  ADVERTISMENT
CONTACT US
/ ePAPER 
Drop Down MenusCSS Drop Down MenuPure CSS Dropdown Menu








Special Ediction
بالي ووڊ ۾ سٺي ڪم جي آڇ ٿي ته ضرور ڪنديس: سعديا خان
لاهور (شوبز نيوز) مشهور ماڊل ۽ اداڪارا سعديا خان چيو آهي ته پاڪستان جو نالو روشن ڪرڻ منهنجو پهريون مقصد آهي، سٺي ڪم جي آڇ ملڪ مان هجي ڀارت مان ضورور ڪنديس. بالي ووڊ هدايتڪار ڪبير خان طرفان بالي ووڊ لاءِ مون کي موزون قرار ڏيڻ اعزاز کان گهٽ ناهي. في الحال بالي ووڊ ۾ انٽري جو ڪو فيصلو نه ڪيو آهي، ايندڙ ڏينهن ۾ پنهنجي چاهيندڙن کي سٺي خبر ڏينديس. ان خيالن جو اظهار سعديا خان ميڊيا سان ڳالهه ٻولهه ڪندي ڪيو. هن چيو ته ڪبير خان ڪنهن تعارف جو محتاج ناهي. هن جهڙي ريت پنهنجي فلمن ذريعي پنهنجي صلاحيتن جو اظهار ڪيو، ان بابت منهنجو هي چوڻ آهي ته آئون بي پناهه صلاحيتن جي مالڪ آهيان ۽ منهنجي ٽيلنٽ مان بالي ووڊ کي فائدو وٺڻ گهرجي ان تي آئون پاڻ کي خوش قسمت سمجهان ٿي. هن چيو ته اها به حقيقت آهي ته مون ۽ ڪبير خان جي وچ ۾ ڪڏهن رابطو ناهي ٿيو ان ڪري بالي ووڊ بالي ووڊ جي ٻين ڪيترين ئي شخصيتن سان رابطو رهندو آهي ڇو ته ڪيترائي ڀيرا مون کي بالي ووڊ ۾ ڪم جي آڇ ٿي چڪي آهي. هڪ سوال جي جواب ۾ سعديا خان چيو ته ٽيلنٽ کي ڪنهن به جاءِ محدود نٿو رکي سگهجي ڇو ته هاڻ دنيا گلوبل وليج جي حيٽيت اختيار ڪري چڪي آهي. جيڪڏهن مون کي بالي ووڊ ۾ سٺي پروجيڪٽز جي آڇ ٿيندي ته ضرور ڪم ڪنديس، سٺو پروجيڪٽ جيڪڏهن مون کي ڪنهن ٻئي ملڪ مان به آفر ٿيندو ته ضرور ڪم ڪنديس.
 
ولين ۽ هيرو جا ڪردار نڀائيندڙ نانا پاٽيڪر اصل زندگيءَ ۾ به هيرو  آهي
ممبئي (شوبز نيوز) فلمن ۾ ڪڏهن ولين ۽ ڪڏهن هيرو جا ڪردار ادا ڪندڙ اداڪار نانا پاٽيڪر اصل زندگيءَ ۾ هيرو آهي، نانا پاٽيڪر جيترو ڪمائي ٿو ان جو 90 سيڪڙو غريب ۽ حقدار ماڻهن ۾ ورهائيندو آهي، نانا پاٽيڪر اڄ به پنهنجي ماءُ سان گڏ هڪ بيڊ روم واري اپارٽمنٽ ۾ رهندو آهي. سلور اسڪرين تي ماڻهن کي پنهنجي ولين جي اداڪاريءَ سان متاثر ڪندڙ ۽ پنهنجي خطرناڪ آواز جو مالڪ  اداڪار نانا پاٽيڪر حقيقي زندگي ۾ هڪ ”هيرو“ آهي، ”انڊيا ٽائمز“ نانا پاٽيڪر بابت راز تان پردو کڻندي پنهنجي هڪ رپورٽ ۾ لکيو آهي ته اداڪار نانا پاٽيڪر  پنهنجي ڪمائي جو 90 سيڪڙو غريب ۽ حقدار ماڻهن ۾ ورهائيندو آهي ۽ رڳو 10 سيڪڙو ئي پاڻ تي خرچ ڪندو آهي، ممبئي ۾ هڪ پاسي ته باليووڊ جا اسٽار بادشاهن واري زندگي گذارين ٿا، پر باليووڊ سپر اسٽار نانا پاٽيڪر لگزري لائف اسٽائيل جي حيثيت رکڻ باوجود به پنهنجي ماءُ سان گڏ هڪ بيڊ روم واري اپارٽمينٽ ۾ رهندو آهي. ڏڪار هٿان تنگ اچي خودڪشي ڪندڙ 62 غريب هارين کي نانا پاٽيڪر پنهنجي ڪمائي مان 15000 في خاندان ادا ڪيا، اهو ئي نه پر نانا پاٽيڪر جي فلاحي تنظيم هارين جي ڀلائي لاءِ 22 ڪروڙ رپيا جمع ڪيا ۽ انهن پئسن کي سڪل دريائن ۽ ڍنڍن ۾ ٻيهر پاڻي ڀرڻ لاءِ استعمال ڪيو ويو ته جيئن هاري ۽ انهن جي خاندان کي پيئڻ لاءِ صاف پاڻي ميسر ٿي سگهي. نانا پاٽيڪر سان ماڻهن جي محبت ۽ ان مٿان اعتماد جو اندازو ان ڳالهه مان لڳائي سگهجي ٿو ته ان جي فلاحي تنظيم کي پهرين ڏينهن ئي 80 لک رپين جو چندو ڏنو ويو. ڪنهن به فلم ۾ ڪردار جي حوالي سان مڪمل طور لهي وڃڻ واري نانا پاٽيڪر ڪيترائي فلم فيئر ۽ نيشنل ايوارڊ پنهنجي نالي ڪيا. روڊن تي سنگهه ۽ فلمن جا پوسٽر بڻائڻ عيوض 35 رپيا ڪمائيندڙ نانا پاٽيڪر بالي ووڊ ۾ ڪاميابيءَ کانپوءِ اهو ثابت ڪري ڇڏيو ته اهو ماڻهن ۾ دلين ۾ به جڳهه بڻائڻ ۾ ڪامياب رهيو آهي.
 
دبنگ خان فلم ”ريس 3“ لاءِ 7 کان 8 ڪلو وزن گهٽائيندو
ممبئي (شوبز نيوز) بالي ووڊ اداڪار سلمان خان فلم ”ريس 3“ لاءِ 7 کان 8 ڪلو وزن گهٽ ڪندو. ڀارتي ميڊيا مطابق سلمان خان اڄڪلهه پنهنجي نئين فلم ”ريس 3“ جي شوٽنگ ۾ مصروف آهي، فلم ”ريس 3“ اڳوڻي فلم ريس جو ٽيون سيڪوئل آهي، فلم جي پهرين سيڪوئل ۾ سيف علي خان ۽ اڪشي کنا مک ڪردار ادا ڪيو هو، جڏهن ته فلم ڪامياب ٿيڻ کانپوءِ فلم جو ٻيو سيڪوئل 2013ع ۾ ٺاهيو ويو هو، جنهن ۾ سيف علي خان ۽ جان ابراهم سان گڏ انيل ڪپور به مک ڪردار ادا ڪيو هو، فلم جو ٻيو سيڪوئل به هٽ ثابت ٿيو، پر هاڻي فلم جو ٽيون سيڪوئل ٺاهيو پيو وڃي، فلم جي ٽئين سيڪوئل ”ريس 3“ ۾ مک ڪردار لاءِ سيف علي خان ۽ جان ابراهم بدران سلمان خان، بوبي ديول ۽ انيل ڪپور  سان گڏ ڊيزي شاهه کي مک ڪردار لاءِ چونڊيو ويو آهي، فلم ۾ دبنگ خان جي هيروئن اداڪارا ار جيڪلين فرنينڊس بڻبي، جڏهن ته فلم جي هدايتڪاري ريمو ڊي سوزا ڪري رهيو آهي، فلم جي شوٽنگ شروع ٿي چڪي آهي. سلمان خان پنهنجي نئين فلم ”ريس 3“ لاءِ وزن گهٽائڻ شروع ڪري ڇڏيو آهي جنهن لاءِ هن ايپل ڊائيٽ پلان پڻ ترتيب ڏنو آهي ۽ هو روزاني جي بنياد تي ورڪ آئوٽ ۽ ورزش ڪندو. فلم ۾ سلمان کي پنهنجي ڪردار لاءِ 7 کان 8 ڪلو وزن گهٽ ڪرڻو آهي، فلم ايندڙ سال نمائش لاءِ پيش ڪئي ويندي.

Aaj jo Khas Khas Khabron
اسلام ۾ ائين ڪٿي لکيل آهي ته رستا بند ڪيا وڃن، ڌرڻي وارن کي پئسو ۽ کاڌو ڪٿان ملي رهيو آهي: سپريم ڪورٽ
نوازشريف کي رڳو پنهنجي ذات لاءِ ميثاق جمهوريت ياد اچي ٿو، ساڻن ملاقات جو ڪوبه امڪان ناهي: آصف زرداري
ڌرڻي ۾ موجود ڪجهه شر پسند لاش ڪيرائڻ چاهين ٿا: احسن اقبال
ايشز ٽيسٽ سيريز: انگلينڊ پهرين ڏينهن 4 وڪيٽن جي نقصان تي 196 اسڪور ڪري ورتو
بالي ووڊ ۾ سٺي ڪم جي آڇ ٿي ته ضرور ڪنديس: سعديا خان
hilal-pk@cyber.net.pk
dailyhilalpk@gmail.com