Copyright  2010 Hilal-e-Pakistan. All Rights Reserved
Daily Hilal-e-Pakistan Karachi Sindh
Powered By: PMedia
Tracker
Web Counter
Vistor #
/  ADVERTISMENT
CONTACT US
/ ePAPER 
Drop Down MenusCSS Drop Down MenuPure CSS Dropdown Menu








Special Ediction
آءِ پي ايل-11: چنائي سپر ڪنگز دلچسپ مقابلي بعد رائل چيلنجرز بينگلور کي 5 وڪيٽن تان شڪست ڏئي ڇڏي
بينگلور (اسپورٽس نيوز) آءِ پي ايل-11 جي 24هين ميچ ۾ چنائي سپر ڪنگز انتهائي دلچسپ مقابلي بعد رائل چيلنجرز بينگلور کي سندن هوم گرائونڊ تي 5 وڪيٽن تان شڪست ڏئي ڇڏي. بينگلور ۾ کيڏيل ميچ ۾ چنائي سپر ڪنگز جي ڪپتانمهندر سنگهه ڌوني ٽاس کٽي پهرين فيلڊنگ جو فيصلو ڪيو. رائل چيلنجرز بينگلور پهرين بيٽنگ ڪندي ڊولئيرز ۽ ڊي ڪاڪ جي شاندار پارٽنرشپ جي بدولت 8 وڪيٽن جي نقصان تي 205 رنسن جو پهاڙ ٺاهي ڇڏيو. اي بي ڊولئيرز 30 بالن ۾ 8 ڇڪن ۽ 2 چوڪن جي مدد سان 68 ۽ ڊي ڪاڪ 53 رنسن جي شاندار اننگ کيڏي. ٻنهي پروٽيز ٻئي وڪيٽ جي شراڪت ۾ 103 رنسن جي شاندار اسٽينڊ فراهم ڪيو. منديپ سنگهه 17 بالن ۾ 3 ڇڪن ۽ هڪ چوڪي جي مدد سان 32 رنسون ٺاهيون. واشنگٽن سنڌر به 4 بالن ۾ 13 رنسن جي جارحاڻي اننگ کيڏي. ايس اين ٺاڪر، عمران طاهر ۽ ڊوائين براوو 2-2 رانديگرن کي پويلين جي راهه ڏيکاري. جواب ۾ چنائي سپر ڪنگز گهربل هدف مقرر اوورن کان 2 بال پهرين 5 وڪيٽن جي نقصان تي حاصل ڪري ورتو. ڪپتان ڌوني ۽ رائڊو شاندار پارٽنرشپ ڪري ٽيم کي فتح ڏيارڻ ۾ اهم ڪردار ادا ڪيو. امباتي رائڊو 53 بالن ۾ 8 ڇڪن ۽ 3 چوڪن جي مدد سان 82 رنسون ٺاهي رن آئوٽ ٿي ويو. ڪپتان ڌوني 34 بالن ۾ 7 ڇڪن ۽ هڪ چوڪي جي مدد سان 70 رنسون ٺاهي ناقابل شڪست رهيو. ڊوائين براوو به 7 بالن ۾ هڪ ڇڪي ۽ هڪ چوڪي جي مدد سان 14 رنسون ٺاهڻ ۾ ڪامياب ٿيو. يزويندرا چهل 2 رانديگرن کي پويلين جو رستو ڏيکاريو. پون نيگي ۽ اميش ياديو به هڪ هڪ شڪار ڪيو. 
 
ورلڊ ڪپ 2019 ۾ روايتي حريف پاڪستان ۽ ڀارت 16 جون تي مانچسٽر ۾ مدمقابل
ڪولڪته (اسپورٽس نيوز) ون ڊي ورلڊ ڪپ 2019 ۾ روايتي حريف پاڪستان ۽ ڀارت وچ ۾ ٽاڪڙو 16 جون 2019 تي مانچسٽر ۾ ٿيندو، مڪمل/ شيڊول 30 اپريل 2018 تي جاري ڪيو ويندو. هن وقت ورلڊ ڪپ ۾ ڪل 10 ٽيمون حصو وٺنديون. گذريل ورلڊ ڪپ ۾ 16 ٽيمون شامل هيون. آسٽريليا پنهنجي 2015 ورلڊ ڪپ جو دفاع ڪندي. ايندڙ سال ٿيڻ واري ڪرڪيٽ ورلڊ ڪپ جي شيڊول ۾ تبديلي جي ڀارتي درخواست منظور ڪئي وئي آهي ۽ ايونٽ ۾ پاڪستان ۽ ڀارت جي ميچ 16 جون تي ٿيندي ته جيئن ڀارتي ٽيم کي انڊين پريميئر ليگ (آءِ پي ايل) فائنل ۽ ميگا ايونٽ جي وچ ۾ 15 ڏينهن جو وقفو ملي سگهي. ابتدائي شيڊول جي تحت ڀارت جي پهرين ميچ 2 جون تي ڏکڻ آفريڪا خلاف رٿيل هئي پر هاڻي ڀارتي ٽيم 5 جون تي پروٽيز خلاف ميچ سان مهم جو آغاز ڪندي. گذريل ڪجهه ايونٽن ۾ پاڪستان ۽ ڀارت جو پهرين ئي ميچ ۾ ٽاڪڙو ڪرايو ويندو هو. ورلڊ ڪپ 30 مئي کان 14 جولاءِ تائين کيڏيو ويندو. ايونٽ جو باضابطا آغاز 30 مئي تي ميزبان انگلينڊ ۽ ڏکڻ آفريڪا وچ ۾ اوول لنڊن ۾ ٿيندو. ايونٽ جو فائنل 14 جولاءِ تي لارڊز جي ميدان تي ٿيندو. اهڙا معاملا ڪالهه ڀارت جي شهر ڪولڪته ۾ ٿيل آءِ سي سي جي گڏجاڻي ۾ ڪيا ويا. ايونٽ ۾ شامل 10 ٽيمن ۾ دفاعي چيمپئن آسٽريليا، ميزبان انگلينڊ، ڏکڻ آفريڪا، ڀارت، پاڪستان نيوزيلينڊ، سريلنڪا ۽ بنگلاديش جون ٽيمون اڳ ۾ ڪواليفاءِ ڪري چڪيون هيون. وڌيڪ 2 ٽيمون ويسٽ انڊيز ۽ افغانستان گذريل مهيني ڪواليفاءِ ڪري ايونٽ ۾ شامل ٿي چڪيون آهن، ڪل 11 هنڌ تجويز ڪيا ويا آهن، جن ۾ لارڊز، اوول، ڪاردف، اولڊ ٽريفورڊ، هيڊنگلي ۽ ٻيا شامل آهن. 46 ڏينهن تائين جاري ٽورنامينٽ ۾ ڪل 48 ميچون کيڏيون وينديون، هر ٽيم هڪٻئي سان 9 ميچن ۾ حصو وٺندي. پوائنٽ ٽيبل تي 4 ٽاپ ٽيمون سيمي فائنل لاءِ ڪواليفاءِ ڪنديون. پلي آف مرحلي جون ٽئي ميچون به اوول ايڊگليٽن ۾ کيڏيون وينديون. تفصيل 30 اپريل تي جاري ڪيو ويندو.
 
 
اڳوڻو فرانسيسي فٽ بالر هنري مائيڪل 70 سالن جي ڄمار ۾ وفات ڪري ويو
پيرس (اسپورٽس نيوز) اڳوڻو فرانسيسي فٽ بالر هنري مائيڪل وفات ڪري ويو. عمر 70 سال هئي، نيوز ايجنسين مطابق ليجنٽ فٽبالر هنري مائيڪل پنهنجي 30 سالا ڪيريئر جي دوران 8 مختلف ملڪن جي ڪوچنگ جو اعزاز به رکندو هو. هن 58 بين الاقوامي ميچز ۾ فرانس جي نمائندگي ڪئي. هنري مائيڪل انٽرنيشنل فٽ بالر کان رٽائرمينٽ کانپوءِ 1984ع کان 1988 جي دوران بطور ڪوچ به ٽيم سان گڏ ڪم ڪندو رهيو. سندس ڪوچنگ هيٺ فرانس سال 1984 ۾ منعقد لاس اينجلس اولمپڪس گيمز ۾ طلائي ٻلو کٽڻ جو اعزاز به حاصل ڪيو. سندس ئي نگراني ۾ 1986ع ۾ ميڪسيڪو ۾ ٿيڻ واري ورلڊ ڪپ ۾ فرانسيسي ٽيم سيمي فائنل تائين رسائي حاصل ڪئي.

Aaj jo Khas Khas Khabron
قومي اقتصادي ڪائونسل جو اجلاس غيرقانوني هو، وفاق ترقياتي رٿائن ۾ سنڌ سان وڏي ناانصافي ڪئي: وڏو وزير
وفاقي ڪابينا مختلف کاتن جو رڪارڊ ڏيڻ وارو خط رد ڪري ڇڏيو، طريقيڪار جوڙڻ لاءِ ڪميٽي قائم
زلزلي  متاثرن لاءِ مليل امداد ڪيڏانهن وئي، اسحاق  ڊار عدالت ۾ اچي ٻڌائي ته پئسا ڪٿي خرچ ٿيا:  چيف جسٽس
آءِ پي ايل-11: چنائي سپر ڪنگز دلچسپ مقابلي بعد رائل چيلنجرز بينگلور کي 5 وڪيٽن تان شڪست ڏئي ڇڏي
دپيڪا پڊوڪون برطانوي اخبار جي پهرين ورق جي زينت بڻجي وئي
hilal-pk@cyber.net.pk
dailyhilalpk@gmail.com